Հարգելի ARAQS, բարև Ձեզ: Ճիշտ չի լինի առանց հիվանդին տեսնելու որևէ բուժում նշանակելը, հատկապես, եթե ախտորոշումը վերջնական չէ: Ցանկալի է նախ դիմել մաշկաբանի, անհրաժեշտության դեպքում նաև մամոլոգի, հաստատ համոզվելու համար, որ վտանգավոր ոչինչ չկա: 

Հարգելի Marine, բարև Ձեզ: Բրոմոկրիպտինը նշանակվում է հենց պրոլակտինեմիայի բուժման ժամանակ, թիրոքսինը  Ձեր դեպքում նշանակված է հիպոթիրեոզի համար: Իսկ Պենոկսալ ԲԳ-ն բուսական ծագում ունեցող պրեպարատ է, որը նշանակվում է օրգանիզմի ընդհանուր դիմադրողականությունը բարձրացնելու, որոշ դեպքերում նաև հորմոնալ ֆոնը կարգավորելու համար: Ինչ վերաբերում է գլխապտույտին և ճնշման իջեցմանը, դրանք բրոմոկրիպտինի կողմնակի ազդեցություններն են, որոնք սովորաբար ինքնուրույն անցնում են բուժման առաջին շաբաթից հետո: 

Հարգելի ARAQS, բարև Ձեզ: Կարևոր է բծերի ձևը, գույնը, կան արդյոք այլ գանգատներ թե, ոչ: Եթե դրանք սպիտակ գույնի են, ապա ամենայն հավանականությամբ առաջացել են մաշկի էլաստիկ թելերի գերձգման և պատռվածքի հետևանքով: Կրծքերի մաշկի գերձգման հետևանքով առաջանում է մաշկի էլաստիկ թելերի պատռված, և դրանք արտաքինից արտահայտվում են սպիտակ բծերի տեսքով: Վտանգավոր ոչինչ չկա: Եթե դրանք արդեն առաջացել են, ցավոք վերացնել հնարավոր չէ: Կաելի կանխել դրանց հետագա շատացումը, մաշկի էլաստիկությունը բարձրացնղ քսուքներ օգտագործելով:

Հարգելի Marine, բարև Ձեզ: Պրոլակտինի մակարդակի բարձրացման պատճառները բազմաթիվ են, քանի որ արդեն հետազոտել եք հիպոֆիզը, կարելի է բացառել հիպոֆիզի պրոլակտին արտադրող ուռուցքը: Պրոլակտինի մակարդակի բարձրացման պատճառ կարող են լինել նաև լյարդային և երիկամային պաթոլոգիաները, բացի այդ պրոլակտինի բարձրացում կարող է նկատվել հիպոթիրեոզի դեպքումև այլ էնդոկրին խանգարումների դեպքում: Եթե կա վահանագեղձի հորմոնների իջեցում, հնարավոր է պրոլակտինի բարձրացումը կապված է հենց դրա հետ: Հաճախ պրոլակտինեմիայի պատճառն այդպես էլ մնում է անհայտ, այդ դեպքում մենք գործ ունենք " Իդիոպաթիկ պրոլակտինեմիայի" հետ: Այս դեպքում հարկավոր է անընդհատ հսկողության տակ պահել պրոլակտինի քանակը և հարկ եղած դեպքում կրկնել բուժումը: Ինչ վերաբերում է հղիանալուն, ապա պրոլակտինեմիան կարող է բերել չբերության, բացի այդ Դուք նաև ունեք վահանագեղձի խնդիր: Սակայն հորմոնների մակարդակը կարգավորելուց հետո հղիություն հնարավոր է, հարկավոր է գտնել պատճառը և ստանալ համապատասխան բուժում:

Հարգելի ԼԻԱՆԱ, բարև Ձեզ: Պրոգինովան իրենից ներկայացնում է էստրադիոլի սինթետիկ անալոգ: Դեղի ընդունման ժամանակ երբեմն կարող են առաջանալ կողմնակի էֆեկտներ, որոնցից են նաև ցավը կրծքագեղձերում, կրծքագեղձերի մեծացումը, դիսկոմֆորտի զգացումը: Հարկավոր է ցավերի մասին տեղյակ պահել Ձեր բուժող բժշկին:

Հարգելի Marine, բարև Ձեզ: Եթե կրծքերում անընդհատ կա կաթի արտադրություն, ապա կաթը երկար ժամանակ մնալով կարող է առաջացնել կրծքագեղձի բորբոքում, բացի այդ կրծքագեղձերում կա գեղձային մաստոպաթիա, ցավերը կարող են կապված լինել հենց մաստոպաթիայի հետ: Մաստոպաթիայի դեպքում հարկավոր է ստանալ համապատասխան բուժում, հորմոնալ կամ բուսական ծագման: Ինչ վերաբերում է պրոլակտինի մակարդակին, ապա անընդհատ հարկավոր է հսկողության տակ պահել դրա քանակն արյան մեջ: Կարևոր է ճշտել, թե բուժումից ինչքան ժամանակ է անցել, եթե բուժումից շատ չի անցել, հնարավոր է, որ դուրս է գալիս կրծքերում կուտակված, արդեն արտադրված կաթը: Մաստիտից խուսափելու համար ցանկալի է կթել: Ինչ վերաբերում է այլ հետազոտություններին, Դուք անհրաժեշտ բոլոր հետազոտություններն արդեն կատարել եք: Ուղղակի հարկավոր է անընդհատ լինել բժշկի հսկողության տակ և հարկ եղած դեպքում նորից կրկնել բուժումը:

Հարգելի Աննա, բարև Ձեզ: Եթե կրծքագեղձում կա ցավ, հատկապես, եթե կա արտադրություն, հարկավոր է հետազոտվել: Եթե երեխաներին կերակրել եք կրծքով, հնարավոր է մաստոպաթայի զարգացումը, սակայն միանաշանակ դժվար է ասել: Հարկավոր է անպայման մամոլոգի կոնսուլտացիա:

Հարգելի Anush, բարև Ձեզ: Նախ հարկավոր է պարզել այդ ցավերը կրծքագեղձից են, թե ոչ: Համոզվելու համար Դուք ևս կարող եք շոշափել կրծքագեղձերը: Եթե ցավը իրոք կրծքից է, ապա պետք է պարզել, թե ինչ խնդիր է, իսկ դա միայն հնարավոր է շոշափման, ՈՒՁՀ և մամոգրաֆիկ հետազոտությունների միջոցով: Հնարավոր է, որ կանացի օրգանների հեռացումից հետո օրգանիզմում տեղի ունեցող հորմոնալ խանգարումները բերել են մաստոպաթիայի առաջացման: Հնարավոր է, որ խնդիրը ընդհանրապես էլ կապված չէ կանացի օրգանների հեռացման հետ: Հարկավոր է անպայման դիմել մամոլոգի մանրամասն հետազոտվելու համար:

Հարգելի Nar, բարև Ձեզ: Ձեր նկարագրածը ավելի շատ նման է օջախային մաստոպաթիային, Դուք նշում եք, որ ցավերը հիմնականում դաշտանից առաջ են, հանգույցները կարող են անհետանալ և նորից առաջանալ այլ հատվածներում, դա ևս կապված է դաշտանային պարբերաշրջանի հետ: Երիտասարդ աղջիկների մոտ դա կապված է հորմոնալ խանգարումների հետ: Պարտադիր չէ, որ հորմոնալ խանգարումն արտահայտվի դաշտանի խանգարումով, դա կարող է արտահայտվել այլ օրգանի ֆունկցիայի խանգարումով և վերջնական պատասխան կտա միայն հորմոնների լաբորատոր քննությունը: Տնային պայմաններում, առանց լրացուցիչ հետազոտությունների բուժել մաստոպաթիան միանշանակ չի կարելի: Հարկավոր է դիմել նեղ մասնագետի` գինեկոլոգի կամ մամոլոգի համապատասխան բուժում ստանալու համար:

Հարգելի Narine, մաստոպաթիաների բուժման համար լայնորեն կիրառվում են բուսական միջոցներ, որոնք կարգավորում են հորմոնալ ֆոնը: Այդ միջոցնեից է նաև Ձեր նշած "Մաստոդինոն" դեղամիջոցը, որը բավականին արդյունավետ է այս դեպքում: Նման տեսակի դեղամիջոցները հարկավոր է ընդունել միայն նեղ մասնագետի նշանակմամբ:

Հարգելի ANI, կարևոր է ճշտել Ձեր տարիքը, ծննդաբերե՞լ և կրծքով կերակրե՞լ եք արդյոք: Խնդիր միանշանակ կա, չի կարող ցավ լինել առանց պատճառի: Եթե ցավ կա երկու կրծքերում էլ միաժամանակ, և այն սկսվում է դաշտանից 10 օր առաջ, ապա ամենայն հավանականությամբ այն կապված է հորմոնալ շեղումների հետ, սակայն միանշանակ ասելը դժվար է: Ցանկալի է նորից կրկնել ՈՒՁՀ-ն, անհրաժեշտության դեպքում նաև մամոգրաֆիա անցնել: Ցանկալի է նաև արյան մեջ պրոլակտինը որոշել:

Հարգելի Գոհար, երբեմն անհարմար կրծքալը կարող է առաջացնել ցավ, հատկապես եթե այն պարունակում է մետաղյա շրջանակներ: Օգտագործեք բնական, առանց մետաղյա մասերի ներքնազգեստ: Ցավեր կարող են լինել կրծքագեղձում որևէ գոյուցության ժամանակ: Դուք կարող եք ինքներտ տանը կատարել կրծքերի շոշափում, շոշափեք նաև անութային շրջանի ավշային հանգույցները: Ստուգումը կատարում եք հետևյալ կերպ, աջ կուրծքը շոշափելու համար, աջ ձեռքը արմնկային հոդում ծալած միճակում դնում եք ծոծրակին և ձախ ձեռքով շոշափում աջ կուրծքը և հակառակը, նույն կերպ շոշափում եք նաև թևատակի ավշային հանգույցները: Որևե գոյացություն շոշափելու դեպքում ,անկախ դրա չափերից կամ ցավոտությունից հարկավոր է անհապաղ դիմել բժշկի:

Հարգելի Գոհար,կրծքագեղձում ցանկացած տեսակի գոյացության շոշափումը պետք է անպայման հետազոտել,նամանավանդ եթե այն ուղեկցվում է ցավով:Հնարավոր է որ այն ընդհանրապես կապված չէ դաշտանի հետ:Խորհուրդ է տրվում անպայման դիմել մամոլոգի և կատարել ՈՒՁՀ:

Հարգելի Narine,խնդրի մասին ամբողջական պատկերացում կազմելու համար անհրաժեշտ է պարզաբանել որոշ հարցեր. ապրում եªք դուք կանոնավոր սեռական կյանքով թէ ոչ,ունեցել եªք հղիություն և ծննդաբերություն,կանոնավոªր է դաշտանային ֆունկցիան,թէ ոչ,ինչպես նաև պարզել թէ շոշափելիս ինչպիսիªն է գեղձի կոնսիստենցիան`համասեռ կամ անհամասեռ,արտաքինից համաչաªփ են երկու գեղձերը, թէ ոչ:Կրծքերում լցվածության զգացողությունը և ցավը կարող են կապված լինել դաշտանին նախորդող օրերին օրգանիզմում պրոլակտինի մակարդակի բարձրացման հետ,և դաշտանի սկսվելու հետ դրանք նորմայում պետք է վերանան:Նման զգացողություն լինում է համարյա բոլոր կանանց մոտ:Իսկ ինչ վերաբերվում է դաշտանից հետո ցավի պահպանմանը,ապա պետք է հստակ նկարագրել ցավի տեղակայումը:Եթե նշում եք,որ վացը ճառագայթվում է թիկունքի հատվածից,ապա հնարավոր է այն ամենևին էլ կապված չէ կրծքագեղձի հետ:Խորհուրդ ենք տալիս անպայման դիմել մամոլոգի կոնսուլտացիայի: